“5G адамдардың өмірін өзгертеді”
NU Step to PhD айдарының келесі қонағы – Сұлтанғали Арзықұлов. Өткен жылы ол Инженерия және цифрлық ғылымдар мектебінде ғылым, инженерия және технологиялар саласындағы PhD дәрежесін алды. Бүгінде Сұлтанғали король Абдалла атындағы ғылыми-технологиялық университетінде (KAUST) жұмыс істейді. Оның негізгі зерттеуі 5G және 6G желілеріне арналған. Сұлтанғали 5G желілерінің дамуы адамдардың өмірін күрт өзгертетініне сенімді.
Сұлтанғали, Назарбаев Университетіндегі докторантура бағдарламасы бойынша оқуыңыз туралы айтып беріңізші?
Докторантура кезінде мен 5G байланыс зерттеулерін жүргіздім. Менің зерттеуім аналитикалық-теориялық тәсілге негізделген. Менің жұмысым болашақ байланыс желілеріндегі 5G талаптарын қанағаттандыру үшін деректерді беру жылдамдығын арттыру және энергияны үнемдеу болды.
Менің зерттеулерімнің барлық нәтижелері IEEE ғылыми журналдарында жарияланды, мен сондай-ақ IEEE флагмандық конференцияларына қатыстым. Бұл зерттеулердің маңыздылығын асыра бағалау қиын, өйткені оларда инженерлер үшін қажет ақпарат – деректерді берудің ең жоғары қолжетімді жылдамдығы және жүйелік шектеулердің түрлері туралы тұжырымдар бар.
Бүгінгі таңда 5G желісі туралы әртүрлі теориялар танымал. Оның негізгі артықшылықтары қандай?
5G-дің негізгі артықшылықтары – беру жылдамдығының жоғарылығы, кідірістің аз болуы, сондықтан жұмысты қашықтықтан орындаудың сыйымдылығы үлкен, бұл көбірек құрылғыларды қосуға және виртуалды қосылыстарды жүзеге асыруға мүмкіндік береді. Сонымен қатар, 5G бір уақытта көптеген құрылғыларды желіге қосуға мүмкіндік береді.
Бұл технологияның дамуы біздің өмірімізге қалай әсер етуі мүмкін?
5G адамдардың өміріне үлкен әсер етеді. Біз 5G адамдар үшін қамтамасыз ете алатын өмір сапасында үлкен ілгерілеуді көреміз. 5G өзін-өзі басқаратын автомобильдер, виртуалды шындық, қашықтан хирургия, цифрлық ауыл шаруашылығы, 4.0 индустриясының жобалары сияқты технологиялардың дамуына серпін береді. Сонымен қатар, 5G виртуалды шындық технологияларын дамытуды ынталандырады, нәтижесінде ойын индустриясының дамуына күшті серпін береді.
Сондай-ақ, 5G экономиканың түрлі салаларын – өнеркәсіп, көлік, энергетика, ауыл шаруашылығы, ТКШ, медицина, қауіпсіздікті дамытуға серпін береді. Instagram Facebook, Netflix, Instagram және Snapchat сияқты мобильді технологиялар мен қосымшалар, мысалы, 4G дамуымен жаһандық сипатқа ие болды. Енді 5G біздің өмірімізге одан да қызықты мүмкіндіктер әкеледі.
Сұлтанғали, болашақ докторанттарға не айтар едіңіз?
Докторантурада оқу кезінде ғылыми жетекші маңызды рөл атқарады деп айтар едім, өйткені ол сіздің зерттеулеріңізде дұрыс бағытты көрсетеді. Тағы бір маңызды нәрсе – флагмандық конференцияларға қатысу, онда сіз өз зерттеулеріңізді ұсынып, халықаралық сарапшылардан кері байланыс ала аласыз. Сондай-ақ менің болашақ докторанттарға айтқым келетіні: зерттеу тақырыбын мұқият таңдаңыз, өйткені докторантура көбінесе өздігінен оқуды қажет етеді, сондықтан сіз өз бетіңізше жұмыс істеуге дайын болуыңыз керек.