Студенттік үкімет – студенттердің дауысы

Адам өміріндегі ең есте қаларлық кезеңдердің бірі дәстүрлі түрде студенттік өмір болып саналады, ал оны ұйымдастыруда университет те, студенттердің өздері де, олардың студенттік өмірге деген құштарлық дәрежесі де басты рөл атқарады. Назарбаев Университетінде әр студенттің дауысы маңызды, ал Студенттік үкімет (бұдан әрі – СҮ) студенттер мен әкімшілік арасында байланыстырушы буын болып саналады. СҮ өкілдері – студенттерге қатысты маңызды өзгерістер шешілетін академиялық кеңесті қоса алғанда, университет деңгейіндегі комитеттердің мүшелері. Бұл жұмыстың басты мақсаты – студенттер қоғамдастығының әл-ауқаты, студенттердің құқықтары мен мүдделерін қорғау және сақтап қалу.

СҮ жұмысының ерекшеліктері туралы біздің қонағымыз Жаратылыстану әлеуметтік және гуманитарлық ғылымдар мектебінің 3-курс студенті және алғаш рет онлайн режимінде сайланған Студенттік үкіметтің 9-шы Президенті Жәния Мұқатай айтып берді.

Жания, сіз онлайн режимінде сайланған Студенттік үкіметтің бірінші президентісіз, биылғы жылы сайлау қалай өткені жайлы айтып беріңізші.

– Сайлау Студенттік үкіметті сайлау туралы ережеге сәйкес өтті, ереже бойынша ешқандай ерекшеліктер болған жоқ, керісінше, сайлау процесінің ашықтығын сақтау үшін одан да көп талаптар қосылды. Өткен жылдардағыдай, үміткерлер келесі кезеңдерден өтті: тіркеу, қазақ тілінен тест, сайлауалды науқаны, пікірсайыстар, содан кейін тікелей сайлаушылардың дауыс беруі. 2020 жылғы сайлаудың ерекшелігі – барлық кезеңдер онлайн режимінде, сондай-ақ “электоратпен” қарым-қатынасты сақтау үшін әлеуметтік желілер мен басқа да интернет платформалар арқылы өткізілген сайлауалды науқаны. Студенттерді қамту әлеуметтік желілердегі студенттік топтардың белсенді пайдаланушыларына дейін шектелгендіктен, онлайн сайлауларға “қатысу” алдыңғы сайлаулармен салыстырғанда аз болады деген қорқыныш болды. Алайда, керісінше, биылғы жылғы сайлауда студенттер көбірек дауыс берді. Бұл біздің студенттік қоғамдастықтың белсенділігін білдіреді және Студенттік үкіметтің алға қойылған міндетті орындағандығының көрсеткіші болып табылады, ал СҮ мүшелері өз кезегінде өздерінің кәсібилігін және стрессті және күтпеген жағдайларды еңсере алатынын көрсетті.

Президенттің және СҮ бастамалары студенттердің өмірін жақсартқаны жайлы мысалдар келтіріңіз.

– Шын мәнінде, СҮ құрылған уақыт ішінде мұндай бастамалар өте көп болды, сондықтан мен соңғы бастамалардың біріне толығырақ тоқталамын. Пандемия барлық адамдарға, әртүрлі деңгейде әсер еткені белгілі, студенттерді де айналып өтпеді. Студенттерге осы күтпеген, бірақ сонымен бірге қорқынышты жағдайдан алған  соққыдан айығуға көмектесу үшін біз студенттердің академиялық үлгерімін бағалау жүйесін уақытша ауыстыру идеясын қолдай бастадық. Өткен семестрдің ортасында вирустың тез таралуына байланысты студенттер оқуын тоқтатып, өз қалаларына оралуға мәжбүр болды. Дегенмен, барлық студенттердің үйде оқуын жалғастыру үшін жағдайлары бірдей болған жоқ, кейбіреулерінің қажетті техникасы болмады, ал басқалары тұрақты интернетке қол жеткізе алмады. Сонымен қатар, көбісінде отбасылық, қаржылық, психикалық, менталдық және басқа да проблемалары болды. Сондықтан студенттерге оқытудың жаңа түрі кезінде көмектесу және академиялық әділеттілікті қамтамасыз ету үшін біз Университет әкімшілігімен студенттерге пандемияның әсерін ескеретін SD/UD бағалау жүйесін енгізу туралы келісімге келдік. Бұл тәжірибе өзінің тиімділігін дәлелдеді және көптеген студенттер олардың жағдайын жақсартқанын мойындайды.

Президенттік кезінде қандай қадамдар жасауды жоспарлап отырсыз?

– Биылғы жылға арналған жоспарлар көп, бірақ ең негізгілері Қазақстанның көшбасшы студенттер альянсын құру, студенттік өзін-өзі басқару жүйесін трансформациялау, яғни Студенттік үкіметті қайта құрылымдау, СҮ коммерциялық қызметін ұлғайту болып табылады. Ең бастысы, пандемия кезінде және одан кейін студенттердің моральдық рухын қолдау. Биылғы жылы біз ұзақ мерзімді перспективада табысқа әкелетін құрылымдық жұмысты мақсат тұтамыз. Мүмкін, біз кейбір жобаларды толық іске асырып үлгермейтін шығармыз, дегенмен біз Студенттік үкіметтің келесі буыны тындыратын істердің  берік іргетасын қалаймыз.

Қашықтықтан оқыту кезінде студенттік қоғамдастықпен қалай жұмыс істеуді жоспарлайсыз?

– Студенттердің оффлайн семестрдегі сияқты, шешім қабылдау процесінің белсенді бөлігі екендігіне көз жеткізу үшін біз студенттер олар арқылы университеттің белгілі бір саясаты туралы өз пікірлерін білдіре алатын іс-шаралар санын көбейтеміз. Мысалы, біз фидбэк студенттерін жинау жүйесімен жұмыс жасаймыз. Сонымен қатар, жақын арада студенттік кеңестерді олардың жұмысын заңдастыруды және СҮ жұмысының бір бөлігін беру үшін қайта ұйымдастыруды бастаймыз.

Сонымен қатар, біз студенттік клубтармен тығыз жұмыс істей бастадық. Қазір біз студенттер пікір алмасатын онлайн платформаны әзірлеудеміз және, ең бастысы, олар қашықтықтан оқыту кезінде бәрімізге жетіспейтін, басқа студенттермен байланысты сезіне алады.

Соңында, қашықтықтан оқыту кезінде жаңа студенттерге 5 кеңес беріңіз.

– Менің алғашқы кеңесім – денсаулығыңызды қадағалаңыз. Физикалық жай-күй – психикалық және психологиялық салауаттылықтың маңызды құрамдас бөлігі.

Екінші кеңес – егер сіз академиялық немесе жеке тұрғыда қиын жағдайда болсаңыз, көмек сұраңыз. Өзіңізді жақсы сезінбеу қалыпты жағдайға айналды, сондықтан өз жағдайыңыздан қысылмаңыз және көмек сұраудан қорықпаңыз.

Келесі кеңес қарапайым, бірақ маңызды, ол бағдарлау сессияларында қайталанады: егер сізге бір нәрсе түсініксіз болса, сұрақ қойыңыз. Бұл сіз кездестіретін мәселелерді тиімді анықтауға және оларды еңсерудің ең жақсы шешімін табуға көмектеседі.

Төртінші кеңес – сын-қатерлері қабылдаңыз. Сын-қатерлер мен проблемалар – өмірдің маңызды бөліктері, олар бізге тәжірибе береді, бізді оқытады, күшті болуға және бізге жеке тұлға ретінде қалыптасуға көмектеседі. Сондықтан өз проблемаларыңыздан қашпаңыз. Оларды елемеуге және оларды жасыруға тырыспаңыз. Оларды талқылаңыз. Сіз проблемаға тап болған кезде үлкен сабақ аласыз және маңызды өмірлік тәжірибеге ие боласыз.

Қорытынды кеңес – жеке және кәсіби тұрғыда өсу үшін Университет беретін барлық мүмкіндіктерді пайдаланыңыз. Вебинарлар мен іс-шаралардың барлық түрлеріне, зерттеулерге қатысыңыз, оқудан басқа нәрселермен айналысыңыз, сонда ғана сіздің студенттік өміріңіз түрлі түстерге боялады. Мүмкін сіз университет тарихында өз ізін қалдыратындардың бірі болатын шығарыз.