Le Shapalaque дегеніміз не және әзіл өз бизнесіңді құруға қалай көмектеседі
Комикстер біздің өмірімізге бұрыннан еніп, кейде тіпті ойлау мен мінез-құлық үлгісін өзгертіп, миллиондаған адамдарды өз жанкүйерлеріне, ізбасарларына айналдырып, маңызды тақырыптар мен мәселелерге қоғамның назарын аударады. Бірақ неге салынған суреттер оқырмандарды қызықтырады? Әлеуметтік желілердегі комикстердің танымалдығы немен түсіндіріледі? Неге оларды көре отырып, біз лайк басамыз, күлеміз, достарыңызға жібереміз? Скотт Маклауд өзінің “Комиксті түсіну” кітабында суреттерде өз ойларын жеткізу, сенімін тұжырымдау өнері туралы айтты. Ол комикстерде адамдарды нақты суреттеу орынсыз екенін түсіндіреді, себебі олар біздің қиялымызды басқаға бұрады. Ал келбеті қарапайым суреттелген (көздерінің орнына нүктелер, мұрнының орнына сызық және күлімсіреуі – жақшамен) кейіпкерді оқырман өзімен салыстырады, яғни қиял оны жандандырады, шартты түрде бейнесін толықтырады. Яғни, оқырман өзін кейіпкердің орнына қояды және бейнеленген жағдайды” байқап көреді.
2017 жылы қазақстандық интернет-комикс пайда болды, онда авторлар карикатуралар мен мысқыл мәтіндер арқылы қазіргі қоғамның өзекті тақырыптарына адамдардың назарын аударды. Le Shapalaque жобасы – Назарбаев Университеті түлектерінің идеясы. Жобаның жеті адамнан тұратын командасынан төртеуі – Назарбаев Университетінің түлектері: Әнуар Серіков пен Әділ Закенов Ғылым және технология мектебін бітірген, Сағи Сағымбаев – Инженерия мектебінің түлегі (2019 жылдан бастап екі мектеп Инженерия және цифрлық ғылымдар мектебіне біріктірілді) және Ғалия Хасенханова Жаратылыстану әлеуметтік және гуманитарлық ғылымдар мектебін бітірді. Команданың бас суретшісі Әміржан Мусагалиев және басқа екі суретші – иллюстрация және графикалық дизайн мамандықтары бойынша білім алған басқа университеттердің түлектері.
View this post on Instagram
Бастапқыда Le Shapalaque командасы анимациялық фильмдер жасауды жоспарлады, бірақ бюрократиялық проблемаларға байланысты қажетті жабдықты жеткізу ұзаққа созылды. Содан кейін балалар комикстерді салуды шешті, өйткені контентті тезірек жасап, аудиторияның пікірлерін көруге болады. Балалар өз жобасының атауын түрлі қазақ сөздерінің ондаған нұсқаларынан таңдады. Олар сауалнама жүргізіп, сұралғандардың көпшілігі шапалақ сөзіне, дауыс бергенін анықтады, бұл аударғанда шапалақтау, қағу, жақтан тарту немесе шапалақ дегенді білдіреді. Әзіл-оспақ түрінде балалар өмірдің шынайылығына байланысты түрлі жағдайларды бейнелейді және пайдаланушылардың назарын кейде өткір және көкейтесті әлеуметтік тақырыптарға аударады.
“НУ-да білім алу маған қызығушылығым бойынша жаңа достар табуға, дүниетанымымды кеңейтуге көмектесті және мен көптеген нәрселерге басқаша қарап, болып жатқан оқиғаларды талдап, сыни тұрғыдан ойлай бастадым. Егер жеткілікті күш жұмсаса, көптеген мақсаттарға қол жеткізуге болатынын түсіне бастадым, – дейді Әділ, – менің НУ-ға басқа қаладан келуім және жатақханада тұруым, онда өз бетіммен әрекет етуім, өз күшіме сенуім, әртүрлі іс-шараларға, халықаралық тағылымдамаларға қатысуым мені сәттілікке әкелді”.
Қазір Le Shapalaque-ні монетизациялау өте табысты: клиенттер комикстерге ғана емес, логотиптерге, брендбуктерге, иллюстрацияларға және тіпті бояуларға тапсырыс береді. Әділдің айтуынша, оларға тапсырыс берушілер үлкен аудиторияға өз компаниясы туралы қызықты және түсінікті түрде айтып беру керек кезінде жиі жүгінеді. Le Shapalaque клиенттері арасында шетелдік тапсырыс берушілер де бар. “Егер осы мақсат үшін комикс қолайлы болса, онда компания тарихын комикс арқылы айтамыз, егер басқа медиа ұажет болса, бейне немесе анимациялық роликтер түсіреміз”, – дейді Әділ.
Le Shapalaque командасы болашақта қазақстандықтарды олардың құқықтары туралы және оларды қалай дұрыс пайдалана білуіне, сондай-ақ болашақта анимациялық көркем роликтер түсіргісі келетін адам құқықтарымен байланысты білім беру жобасын іске қосуды жоспарлап отыр.