«UMC» корпоративтік қорының жетекшісі Юрий Владимирович Пя «QURMETTI DÁRIGER» атағына ие болды

2021, Қаңтар 2
«UMC» корпоративтік қорының Басқарма Төрағасы Юрий Владимирович Пя «QURMETTI DÁRIGER» атағына ие болды. Медицина қызметкерлері мен медициналық ұйымдарды денсаулық сақтау саласындағы ерен еңбегі, сондай-ақ Қазақстанда COVID-19 пандемиясымен күреске қосқан зор үлесі үшін көтермелеуге арналған «HALYQ QURMETI-2020» жүлдесін тағайындау жөніндегі Сарапшылар кеңесі осындай шешім шығарды. Жалпы 49 медициналық қызметкер және бір ұйым «HALYQ QURMETI-2020» жүлдесінің лауреаты атанды.    
 «UMC» КҚ жетекшісі Ю.В. Пя медицина саласындағы ерекше еңбегі және COVID-19 пандемиясымен күреске қосқан үлесі үшін “QURMETTI DÁRIGER” жеке номинациясы мен атағына лайықты деп танылды.  
 
Юрий Владимирович көрсетілген құрметке алғысын білдіріп, жүлденің ақшалай сыйлығын қайырымдылыққа жұмсайтынын мәлімдеді. Атап айтқанда, елімізде кардиохирургия саласын жетілдіруге бағытталған «Жүрек орталығы» қорына аудару жөнінде шешім қабылдады.