Төтенше жағдай мен карантинді ұзарту туралы ақпарат
Құрметті Назарбаев Университеті қауымдастығы,
Сіздерге осы ақпарат арқылы Президент Қасым-Жомарт Тоқаевтың жарлығына сәйкес Қазақстан Республикасындағы төтенше жағдай режимі 2020 жылғы 11 мамырдың 00:00-ге дейін ұзартылғанын еске саламыз.
Оқушылар мен студенттерді оқыту қашықтықтан және онлайн жүзеге асырылатын болады. Сондай-ақ Назарбаев Университетінде, елдегі басқа да бірқатар ұйымдар сияқты қашықтықтан жұмыс жүзеге асырылатын болады, егер де олар жұмысын 20 сәуірде қайта бастаған немесе барлық өңірлерде 4 мамырдан бастап жұмысқа кірісетін кәсіпкерлік субъектілерінің қызмет түрлерінің тізбесіне енгізілмеген болса (төменде тізімге сәйкес):
- аумағы 500 ш. м. дейін болатын азық-түліктік емес дүкендер сағат 17:00-ге дейін (барлық түрлері);
- фотосалондар, гүл сататын дүңгіршектер;
- шаштараздар (жазылу бойынша);
- медицина орталықтары (жазылу бойынша);
- стоматологиялық клиникалар (жазылу бойынша);
- жылжымайтын мүлікпен операцияларды жүзеге асыратын компаниялар, жарнама агенттіктері, адвокаттар, нотариустар;
- шағын қаржы ұйымдары, сақтандыру компаниялары, ломбардтар, айырбастау пункттері;
- ақпараттық-коммуникациялық технологиялар компаниялары.
Қазақстан Республикасында және әлемде тіркелген COVID-19 аурудың өсуі жалғасып отырғанын ескере отырып (3 920 және 3 484 176 жағдайларына тиісінше), әрқайсыңызды карантиндік режимді қатаң сақтауыңызды сұраймыз. Көшеде болуды шектеңіз және қоғамдық орындарға, оның ішінде аулалар мен саяжайларға бару кезінде, жергілікті билік органдары белгілеген таңертеңгі сағат 6-дан кешкі 8-ге дейін қауіпсіздік ережелерін қатаң сақтаңыз. Соңғы аптада кампустың тұрғындарына карантин шарттарын сақтауға қатысты егжей-тегжейлі бірнеше жеке хабарламалар жіберілді.
Жоғарыда көрсетілген шектеулерді қатаң сақтаңыз және басшылығыңызбен: мектеп декандары немесе құрылымдық бөлімшелер мен ұйымдардың басшыларымен келісе отырып, жұмыс кестесі мен жұмыс режимін ұстаныңыз.
Ізгі ниетпен,
Денсаулық сақтау және еңбек қауіпсіздігі департаменті